Jamoat transporti (avtobuslar) dan yanvar oyi mobaynida foydalangan yo'lovchilar soni (1-31 yanvar holatiga ko'ra)

Eng ko'p foydalanilgan yo'nalishlar:

1. 131-sonli yo'nalish - 238 574 ta

2. 58-sonli yo'nalish - 173 690 ta

3. 24-sonli yo'nalish - 150 846 ta

Eng kam foydalanilgan yo'nalishlar:

1. 184-sonli yo'nalish - 231 ta

2. 133-sonli yo'nalish - 3 200 ta

3. 185-sonli yo'nalish - 3 524 ta

128 ta yo'nalish bo'yicha jami yo'lovchilar soni: 8 090 379 ta

Eslatma: Hisoblash jarayonida faqatgina naqd pul va "ATTO" transport kartalari orqali to'lov qilgan yo'lovchilar inobatga olinadi.

133-sonli avtobus yo'nalishi yopilmoqda.

O'zbekiston Respublikasi Vazirlar Mahkamasining 2020-yil 16-martdagi "Toshkent shahar yo'lovchi transporti tizimini takomillashtirish chora-tadbirlari to'g'risida"gi 157-sonli qarori talablaridan kelib chiqqan holda hamdayo'nalishlar tarmog'ini tartibga solish va maqbullashtirish maqsadida, 2021-yil 1-fevraldan boshlab, 133-sonli "Sergeli 4-daha - Sergeli 6A-daha" avtobus yo'nalishining harakati yopilmoqda.

Mazkur yo'nalishdan foydalanayotgan yo'lovchilar endilikda o'z manzillariga etib olish uchun 8, 38, 40, 59, 130-avtobus yo'nalishlaridan foydalanishlari mumkin.

72-sonli avtobus yo'nalishi harakati uzaytirilmoqda.

O'zbekiston Respublikasi Vazirlar Mahkamasining 2020-yil 16-martdagi "Toshkent shahar yo'lovchi transporti tizimini takomillashtirish chora-tadbirlari to'g'risida"gi 157-sonli qaroriga asosan yo'lovchilarga ko'rsatilayotgan transport xizmatlari sifatini oshirish maqsadida, 2021-yil 1-fevraldan boshlab, 72-sonli "Aviasozlar - Malika fabrikasi" avtobus yo'nalishining harakati endilikda "Malika fabrikasi" bekatidan, Labzak, Iftihor, Usta Shirin ko'chalari orqali "Jomiy maydoni" bekatigacha uzaytiriladi.

Bunda, 72-sonli avtobus "Aviasozlar - Jomiy maydoni" yo'nalishi bo'ylab harakatlanadi.

Ushbu yo'nalish harakati yo'lovchilardan kelib tushayotgan takliflarga asosan hamda 148-sonli avtobus yo'nalishi qisqartirilganligi munosabati bilan Aviasozlar bekatidan Jomiy maydoniga qadar tashkil etilmoqda.

Quyidagi hujjatlar taqdim etilganidan so'ng talaba, ijtimoiy nafaqa, o'quvchi (N, T, O‘, NM, TM, O‘M) turidagi imtiyozli transport kartalari bepul berilib, faqatgina tanlangan tarif uchun to'lov amalga oshiriladi.

1.Talabaning elektron oylik yo'l chiptasi uchun pasport nushasi hamda muassasa tomonidan taqdim etilgan guvohnoma;

2. Ijtimoiy elektron oylik yo'l chiptasi uchun pasport nushasi hamda nafaqaga chiqganligi haqida hujjat;

3. O'quvchining elektron oylik yo'l chiptasi uchun, ushbu o'quvchining ota onasining pasport nushachi hamda o'quvchining tug'ilganligi haqida guvohnoma talab etiladi.

Toshkent shahridagi 70 ta transport kartalari sotish shahobchalaridan xarid qilishingiz mumkin.

Toshkent shahridagi Tolimarjon va Farg'ona yo'li ko'chalarida yo'l ta'mirlash ishlari olib borilayotganligi sababli, 2021-yil 31-yanvarga qadar harakatlanish uchun yopiladi. Shu munosabat bilan 12, 13T, 22, 26, 37, 68, 81, 93, 127-sonli avtobus yo'nalishlari suratdagi ko'chalardan harakatini davom ettirishini ma'lum qilamiz.

 Yo'lovchilar diqqatiga!

O'zbekiston Respublikasi Vazirlar Mahkamasining 2020-yil 16-martdagi “Toshkent shahar yo'lovchi transporti tizimini takomillashtirish chora-tadbirlari to'g'risida”gi 157-sonli qaroriga asosan avtobus yo'nalishlarining o'zaro harakat yo'nalishini takrorlashini kamaytirish maqsadida, Toshkent shahridagi yo'nalishlar tarmog'ini maqbullashtirish ishlari amalga oshirilmoqda. 2020-yilning 27-dekabr sanasidan Toshkent metropoliteni Chilonzor yo'nalishining davomi, 5 ta bekatdan iborat Sergeli yer usti metro yo'nalishi ishga tushirilishi munosabati bilan, 2021-yilning 11-yanvar sanasidan quyidagi 7 ta avtobus yo'nalishlari maqbullashtiriladi: 8, 32, 38, 80,131, 132, 133.