Oʼzbekiston Respublikasi Vazirlar Mahkamasining 2020 yil 16 martdagi “Toshkent shahar yoʼlovchi transporti

tizimini takomillashtirish chora-tadbirlari toʼgʼrisida”gi 157-sonli qaroriga asosan, Toshkent shahridagi yoʼlovchi

tashish yoʼnalishlari faoliyatini muvofiqlashtirish ishlari olib borilmoqda. Jumladan, Toshkent shahri aholisidan

va korxonalardan kelib tushgan murojaatlar asosida 2021 yil 12 mart kunidan boshlab, 36, 52, 59, 78, 184-sonli

avtobus yoʼnalishlari faoliyatiga oʼzgartirishlar kiritiladi.

- 36-sonli “TTZ АShB - Zenit zavodi” avtobus yoʼnalishi harakati Zenit zavodi bekatidan Tiklanish mahallasi hududigacha uzaytiriladi;

- 52-sonli “Yunusobod 17-dahasi – Chorsu savdo markazi” avtobus yoʼnalishi mazkur yoʼnalishda xizmat koʼrsatgan xususiy korxonaning tashabbusi asosida yopiladi;

-59-sonli “Sergeli 12-dahasi – Karvon bozori” avtobus yoʼnalishidagi jadvallar soni 7 tadan 8 taga (+1) oshiriladi;

- 78-sonli “Beruniy metrosi – Toshkent vokzali” avtobus yoʼnalishining harakati Iftihor, M.Turgʼunboeva, Bogʼi ravon, Usta Shirin koʼchalari orqali ikki tomonlama qisman oʼzgartiriladi;

- 184-sonli “Binokor qoʼrgʼoni – Qipchoq АShB” avtobus yoʼnalishining harakati “Qipchoq” soʼnggi bekatidan Qipchoq, Yangi Sergeli yoʼli, Soʼgʼdiyona, Fayzli, Obihayot, Fayzli koʼchalari orqali “Sergeli 4-dahasi”gacha uzaytiriladi.

Savol: Men fevral oyining uchinchi sanasida elektron oylik yoʼl chiptasining 30 kunlik tarifini sotib olgan edim, 1 martdan esa toʼlovni qabul qilmayapti. Buning sababi nima? Nega 30 kunlik tarif, belgilangan kuniga yetmasdan tugab qolmoqda?

Javob: Hozirda yagona transport kartalarining 5, 10, 15, 20, 30 kunlik hamda bir oylik tariflari mavjud boʼlib, yoʼlovchilarimizda 30 kunlik tarif bilan bir oylik tarif turlarini adashtirib qoʼyish oqibatida baʼzi bir tushunmovchiliklar yuzaga kelmoqda. Аgar siz 30 kunlik tarif rejasini sotib olgan boʼlsangiz u aynan 30 kun amal qiladi (birinchi toʼlovni qabul qilgan kundan boshlab 30 kun). Siz tarif rejasini sotib olgandagi oy 31 kunlik boʼlsa ham mazkur tarif 30-kuni ishlaydi xolos, 31-kuni tarifingiz oʼchiriladi. Аgar siz bir oylik tarif rejasini sotib olgan boʼlsangiz, ushbu tarif siz sotib olgandagi oy necha kunlik boʼlishidan qatʼiy nazar (masalan: 30, 31, 28 kun) 1 oy toʼliq amal qiladi. Аgar siz haqiqatan ham realizator xodimga 30 kunlik tarifni ulashni aytgan boʼlsangiz-u, ammo realizator xodim sizga bir oylik tarifni yoqib bergan boʼlsa, bunday hollarda realizator xodimlar tomonidan 30 kunlik tarifning ishlatilmay qolgan kuni uchun toʼlovingizni qaytarib berishi belgilangan.

Yuqoridagi kabi tushunmovchiliklarni oldini olish uchun yoʼlovchilarimizdan aynan qaysi tarif rejasi turini harid qilishlarini aniq aytishlarini soʼrab qolamiz!

Toshkent metropolitenining yer usti xalqa yo'nalishi, navbatdagi bosqichini qurish ishlari olib borilayotganligi sababli, Yangi Qo'yliq va Toshkent xalqa avtomobil yo'li ko'chalari chorrahasi avtomobillar harakati uchun yopilganligi munosabati bilan, ushbu chorraha orqali harakatlanuvchi 37, 45, 55-sonli avtobus yo'nalishlari harakatiga vaqtinchalik quyidagicha o'zgartirishlar kiritiladi:

- 37 va 55-sonli avtobus yo'nalishlari harakati ikki tomonlama Toshkent xalqa aylanma yo'lidan Qo'yliq mahallasi hududi (Tibbiyot kolleji ko'chasi) va Yangi Qo'yliq ko'chalari orqali o'z yo'nalishini davom ettirgan holda o'zgartiriladi;

- 45-sonli avtobus yo'nalishining Qo'yliq bozori tomon harakati Toshkent xalqa aylanma yo'li orqali Qo'yliq dehqon bozoriga qadar, qaytish yo'nalishidagi harakati Qo'yliq bozoridan Farg'ona yo'li, Yangi Qo'yliq ko'chalari hamda Qo'yliq mahallasi hududi (Tibbiyot kolleji ko'chasi) va Toshkent xalqa aylanma yo'li ko'chalari orqali o'z yo'nalishini davom ettirgan holda o'zgartiriladi.

Bunda yo'nalishning Qo'yliq dehqon bozori so'nggi bekatida to'htab turish vaqti qisqartiriladi.

"Toshshahartransxizmat" Aksiyadorlik jamiyati rasmiy sayti domeni www.tshtx.uz dan

www.tashbus.uz ga o`zgartirilganini ma`lum qilamiz.

Hozirda saytimizning asosiy domeni www.tashbus.uz.

Sergeli tumanida yangi barpo etilayotgan mavzelar hamda Toshkent metallurgiya zavodi 

tashkil etilganligi munosabati bilan, shuningdek, ishchi va xodimlarni eng yaqin metro

bekatigacha ya’ni, Chilonzor metrosi bekatiga qadar yetkazib berish vazifasini bajarish 

maqsadida, Toshkent metropolitenining Chilonzor yo‘nalishi davomi  (Olmazor metrosidan

Yangi hayot va Sergeli tumanlariga harakatlanuvchi 5ta bekatdan iborat) bo‘lgan

yangi yer usti metro yo‘nalishi aholiga xizmat qilishni boshladi. 

Shu munosabat bilan, 133-sonli avtobus yo‘nalishi harakati "Sergeli 9-Hudud-Sergeli 4-

mavzesi" oralig‘ida tashkil etilgan edi. Shundan so‘ng, ma’lum bir vaqt ushbu yo‘nalishning

yo‘lovchi oqimi shakllanmaganligi, bundan tashqari, mazkur yo‘nalishning ba’zi qismlarini

takrorlovchi, 8, 38, 59, 130-sonli avtobus yo‘nalishlari hamda Sergeli 4-mavzesidan 

harakatlanuvchi 40-sonli avtobus yo‘nalishi mavjud bo‘lganligi sababli yo‘nalish harakati to‘xtatildi.

SIZ JAMOAT TRANSPORTIDAN FOYDALANGAN VAQTINGIZ QANDAY TO`LOV TURINI MA`QUL KO`RASIZ?

* ATTO transport kartasi - 31% (466 ta ovoz);

* Imtiyozli transport kartalari - 8% (129 ta ovoz);

* Naq pul - 30% (446 ta ovoz);

* "Humo" va "Uzcard" NFC bank kartalari - 9% (132 ta ovoz);

* NFC texnologiyasi mavjud qurilmalari - 4% (66 ta ovoz);

* Jetonlar - 4% (55 ta ovoz);

* Jamoat transportidan foydalanmayman - 14% (210 ta ovoz);

"Toshshahartransxizmat" AJ "Toshshahartransxizmat" AJ kuzatuv kengashiga jalb qilinadigan shahar yo'lovchilar transporti sohasidagi xorijiy mutaxassislarni (shu jumladan vatandoshlarni) tanlash uchun tanlov e'lon qiladi.

Bo'sh ish o'rinlari to'g'risida qo'shimcha ma'lumotni This email address is being protected from spambots. You need JavaScript enabled to view it. elektron pochta manzilida yoki + 99871-233-52-63 telefoni orqali aloqa qiluvchi Xabirxonov Toxir orqali olishingiz mumkin.

«Toshkent shahrida avtotransport vositalari to'xtash joylari va muammolari to'g'risida» o'tkazilgan so'rovnoma natijalari bilan quyidagi infografikada tanishishingiz mumkin.

Mazkur so'rovnoma:

2021-yil 20-yanvardan 2021-yil 30-yanvarga qadar davom etdi.

So'rovnoma qatnashchilari soni: 8368 ta

Endilikda Xalq Deputatlar Palatasi Toshkent shahar kengashiga Toshkent shahrida yo'l bo'yi avtoturargohlari tashkil etish yuzasidan tegishli hukumat qaror loyihasi ko'rib chiqish uchun kiritiladi.

Jamoat transport (avtobus) larda so'nggi o'n yil ichida yo'l transport hodisalari to'rt barobarga qamaygan.

Oxirgi 10 yil davomida (2011-2020 yillar) "Toshshahartransxizmat" Aktsiyadorlik jamiyati tarkibidagi avtobus saroylarining haydovchilari aybi bilan sodir etilgan:

* Yo'l transport hodisalar soni 76 foizga;

* Vafot etganlar soni 57 foizga;

* Jarohatlanganlar soni 76 foizga kamaygan.

Solishtirish uchun,2011 yilda:

* Yo'l transport hodisasi - 74 ta;

* Vafot etganlar - 7 ta;

* Jarohat olganlar - 83 ta.

2020 yilda:

* Yo'l transport hodisasi - 18 ta;

* Vafot etganlar - 3 ta;

* Jarohat olganlar - 20 ta.

Ma'lumot o'rnida, 2020 yilda yo'l transport hodisalar soni 2019 yilga nisbatan 26 foizga, vafot etganlar soni esa 60 foizga kamaygan.

N (Nafaqa) - 4 670 ta

NM (Nafaqa metro) - 494 ta

T (Talaba) - 2 993 ta

TM (Talaba metro) - 7 182 ta

O' (O'quvchi) - 1 661

O'M (O'quvchi metro) - 850 ta

AV (Avtobus) - 5 448 ta

AVM (Avtobus metro) - 2 030

Jami sotilgan elektron oylik yo'l chiptalari soni: 25 328 ta

Yagona transport kartalarining 2021-yil yanvar oyida sotilishi bo'yicha MA'LUMOT (1-31 yanvar holatiga ko'ra)

Jami sotilgan yagona transport kartalari soni: 2 968 ta